Biografía

Inaciu Galán y González (Xixón, 1986) Máster en Sociedá de la Información y el Conocimientu na Universitat Oberta de Catalunya (UOC), Graduáu en Periodismu pola Universidá a Distancia de Madrid (UDIMA), Diplomáu en Turismu y Especialista en Xestión Cultural pola Universidá d’Uviéu. Ta formáu como profesor na especialidá d’asturianu col Máster de Formación del Profesoráu y anguaño prepara la so tesis doctoral. Pol so llabor a favor del asturianu foi reconocíu col Premiu Urogallo 2012 del Centru Asturianu de Madrid.

Periodismu

El so trabayu nos medios entama yá en 2003, na emisora Onda Peñes, onde’til 2005 dirixe y presenta’l magacine ‘Xuventú d’anguaño’ y el programa d’entrevistes ‘Asina foi… el Surdimientu’. Nesos mesmos años presenta dellos espacios divulgativos na canal Televisión Llocal Xixón (TLG), como “La clas d’asturianu” y collabora con medios como Asturies.com.

En 2005 recibió’l Premiu “Enriqueta González Rubín” de Periodismu, otorgáu pol Gobiernu d’Asturies. Y dos años más tarde, en 2007, entama a presentar ún de los primeros programes n’asturianu de la televisión pública asturiana (TPA), el programa ‘Al aldu: Xente de casa’, que tuvo cinco años n’antena,’til febreru de 2012. Tamién dende 2007, presentó dellos espacios na cadena SER y’tis redactor del diariu dixital Asturnews.com. Amás tien fechos guiones pa programes de la RTPA, como ‘Nomes d’Asturies’, ‘La Risión’ o tornes de guiones pa ‘Mirasturies, l’Asturies recién’.

Dende 2010 dirixe’l Departamentu de Comunicación y Prensa de la empresa asturiana Comercializadora Europea de Moda.

En 2010 recibió’l Premiu Moscones en Xixón de Periodismu, pol so artículu “Grau, el mercadón de la cultura”.

Dende’l branu del 2013 al branu de 2015 collaboró con una sección selmanal d’opinión nel programa mañaniegu ‘La radio es mía’, conducíu por Pachi Poncela y Sonia Avellaneda na RPA y con medios escritos como El Comercio o Vërtigu con artículos y reportaxes esporádicos. Amás espubliza con regularidá una columna d’opinión nel diariu Asturias24.

Territoriu Sidreru 1Ente 2013 y 2014 presentó’l programa ‘Territoriu Sidreru’, na TPA, onde percorrió Asturies conociendo llagares, chigres, eventos… y entrevistando a espertos nel campu de la sidra. Anguaño tien una sección quincenal, los llunes a les 23 hores, nel programa  de la RPA, ‘Noche tras noche’ y collabora de forma habitual cola canal de televisión na rede Alderiques d’Asturies, con entrevistes y reportaxes de radio y televisión.

Ye miembru del Colexu Profesional de Periodistes d’Asturies dende la so fundación.

Escéniques

En 2004 impulsó dende Xareos! Xestión Cultural, y xunto a Benxa Pérez, la modernización del monólogu asturianu, entamando eventos rellacionaos con esti xéneru y espublizando en 2008 la primer Antoloxía de monólogu modernu “¡Pa echar unes rises!, con testos propios y d’otros autores, que preparó y prologó pa Ediciones Trabe. En 2011 asoleyó un nuevu volume tituláu “Más monólogos… ¡Pa echar unes rises!”, con testos de nuevos autores.

Como monologuista actuó n’espacios escénicos per tol país, incluyendo’l Teatru Campoamor d’Uviéu, dientro de la Muestra de Folclor Ciudá d’Uviéu, y tamién en delles ocasiones pa los emigrantes asturianos en llugares como Bruseles. Amás, collaboró como actor en dellos proyectos audiovisuales, como’l primer llargumetraxe n’asturianu de la hestoria, “Bernabé”, dirixíu por Pablo Casanueva, y onde fai un pequeñu papel.

Lliteratura

Como articulista, escritor y traductor tien collaborao en publicaciones como El Gomeru, AGE, Lletres Asturianes, Reciella Malory, Lliteratura, La Ratonera, L’asturianista, Fusión Asturias, La Nueva Quintana, La Migaya, Formientu,  El Espinete, N’ast. Cartafueyos d’ensayu

Amás, na Selmana de les Lletres Asturianes del añu 2006 foi seleicionáu na antoloxía ‘L’álbum de Talía’, editada pola Xunta Xeneral del Principáu d’Asturies pa la llectura de testos teatrales polos diputaos, participando otra vegada en 2011, na antoloxía de testos de la mina dedicada nesi casu a Mánfer de la Llera. En 2015 apaez na antoloxía ‘Mina de palabras’, asoleyada pola Asociación d’Escritores d’Asturies.

Como lliteratu tien algamao dellos premios: El prestixosu premiu Fernán Coronas de poesía en 2016, segundu premiu nel II Concursu ‘Minimorium’ de rellatu hipercurtiu por ‘La viesca n’ochobre’ de La Voz de Asturias, Mención Especial nel III Premiu de Poesía de Primavera de Piloña pol poemariu ‘Los Xarrones de l’Alcordanza’, primer premiu nel I Concursu de rellatu curtiu ‘Muyer y participación’ pol rellatu ‘Suañar en tiempu de guerra’ y Premiu ‘Pepe Campo’ de monólogu cinco vegaes, en 2006 pol testu ‘Los asturianos al volante…’ (escritu a comuña con Isaac de l’Arada), en 2008 por ‘Les vacaciones’, en 2010 por ‘La mio fía cásase’, en 2013 por ‘Yá llegó la Navidá’ y en 2016 por ‘Les coses de la política nueva’. Amás foi cuartu premiu nel ‘Ier Certame de Rellatu Curtiu La Caleya’, otorgáu pol Conceyu d’Astorga (Lleón), pol cuentu ‘El ruíu que facíen les piedrines’, premiu ‘Atrévete’ de la Fundación Asturias de la UXT en 2010 pol rellatu ‘Salir a la escuridá’, el I Concursu de Microrrellatos y Poesía Carmen Ruíz-Tilve Arias pol poema ‘Regatu’ o’l primer premiu nel VIII Concursu de microrrellatos “L’horru del Carbayedo” por ‘8:43’ y segundu en 2016 por ‘L’enemigu’. [Consultar llistáu de premios lliterarios y periodísticos]

Tien feches y espublizaes en delles revistes tornes al asturianu d’obres en gallegu, castellán, catalán, inglés o francés, ente otres llingües. Ente les que destaca la obra pa la reciella de Madonna, “The English Roses”.

En 2012 estrenóse nel campu de la lliteratura infantil col llibru “Nel, el coríu que nun sabía nalar”, asoleyáu pola editorial AsturtOOns con ilustraciones d’Enrique Carballeira. En 2016 asoleyó’l so primer poemariu ‘Tierra podre’ con Ediciones Camelot.

Ye miembru de l’Asociación d’Escritores d’Asturies dende 2016.

Xestión cultural

Nos últimos años collaboró na creación y xestión de numberosos eventos y actividaes culturales, ente los que destaquen los Certámenes de Monólogu Modernu n’Asturianu (Xixón, 2005 a 2007), la Diada per la Llenguacultura i tradicions dels pobles de Mallorca i Principat d’Astúries (Santa Margalida, Mallorca, 2005), l’Arribada, vagamar lliteraria (Xixón, 2006 a 2008), el Ier Congresu de Cultura Xaponesa:Asturies y XapónFusión de Cultures” (Uviéu, 2009) o’l Congresu de Cultura Asturiana Mozo (Uviéu, 2013)

Enseñu

Tituláu pola Universidá d’Uviéu como profesor d’asturianu pa secundaria, bachilleratu y FP, trabaya davezu como maestru de cursos de llingua asturiana p’adultos, faciendo esti llabor na Universidá Popular de Xixón, en cursos de l’Academia de la Llingua Asturiana, Iniciativa pol Asturianu y el CUPA, amás de n’otros pa funcionarios de dellos conceyos asturianos. Dende 2013 participa como profesor en cursos de xestión cultural de la Universidá Asturiana de Branu (UABRA), entidá de la Universidá d’Uviéu y l’Academia de la Llingua Asturiana. Dende 2015 dirixe’l programa de cursos d’Iniciativa pol Asturianu. En 2016 entamó’l so llabor na docencia oficial nel IES númberu 5 d’Avilés.

Diccionarios

Nel añu 2006 espublizó’l primer diccionariu del asturianu con una llingua estranxera, el Diccionariu básicu asturianu-inglés / inglés-asturianu// Introductory Asturian-English / English-Asturian Dictionary (Con entamu d’Ana Cano, presidenta de l’Academia de la Llingua Asturiana y Decana de la facultá de Filoloxía de la Universidá d’Uviéu).

En 2012 y pal Centru de Terminoloxía Asturianu, TermAst, organismu de l’Academia de la Llingua Asturiana encargáu de la normativización de la terminoloxía técnica n’asturianu, preparó una Terminoloxía de Turismu con’round 900 términos d’esti sector espresao y definíos n’asturianu.

Revista Formientu

En 2006 funda la revista revista lliteraria Formientu, editada pola Asociación Xareos! Xestión Cultural col enfotu de dar a conocer a les voces más nueves de la lliteratura asturiana. Embaxo la so dirección y a los llargo de diez años asoleyáronse quince númberos, pasando pela revista cuasi un cientu de los autores mozos asturianos, lleoneses, mirandeses… qu’usen la llingua asturiana nes sos composiciones.

Investigación

Como investigador algamó en 2007 los premios de l’Academia de la Llingua Asturiana ‘Concursu de recoyida de material toponímico’ (con Marta Lozano Carbajal) pol trabayu’bout’l so pueblu familiar “Toponimia de La Collá (Siero)” becáu pol Conceyu de Siero y qu’asoleyó l’ALLA dientro de la so coleición “Toponimia” y un accesit nel ‘Concursu de recoyida de material lliterario escrito Federico Fierro G.-Botas’ pola edición de ‘Nieve en el puerto’ d’Eladio Verde. En 2008, recibe dos accésit del mesmu premiu polos trabayos titulaos ‘Cosiquines de pocu más o menos d’Antonio Pérez González’ y ‘Poesíes asturianes en Nostalgia de Francisco de la Vega’, y en 2009, repite con ‘Amuesa de publicidá en llingua asturiana’. En 2010 algama otru accesit nel ‘Concursu de recoyida de material lliterario escrito Federico Fierro G.-Botas’ por  ‘Yo quixera cantate y otros poemes llangreanos (1921-1976)’, volviendo a algamalu en 2014 por ‘Coples d’Antroxu y otros testos n’asturianu con Xixón de fondu (1898-1928)’.

Amás, tien espublizaos artículos d’ensayu en delles revistes y participa davezu de congresos del campu de les humanidaes con comunicaciones y conferencies,’bout lliteratura, toponimia, comunicación, etc. Dio conferencies en congresos nes universidaes de Barcelona, Uviéu, Aveiro o Oxford, amás de n’otros espacios.

Activismu

En 2011 impulsa la fundación d’Iniciativa pol Asturianu, convirtiéndose nel Ier Congresu de la organización, en febreru de 2012, nel so primer presidente. Dende 2015’tis miembru de la organización internacional ALCEM (Association pour las langues et cultures européens menacées) asina como del Conseyu Asesor de Normalización Llingüística del Conceyu de Xixón, en representación d’Iniciativa pol Asturianu.

Participa, amás, del activismu cultural, fundando y presidiendo ente 2006 y 2012 el Conceyu Universitariu pol Asturianu (CUPA), como secretariu del Atenéu Cultural Xuan María Acebal y como collaborador d’otres organizaciones como Periodistes pol Asturianu, Internautes pol Asturianu, Ondargüeyos, La brisa del Xapón, Xareos!, etc.

La so actividá reinvidicativa llevólu a convertise en miembru estudiantil del Claustru de la Universidá d’Uviéu, el máximu órganu de representación universitariu, convirtiéndose dempués en miembru de la Comisión de Normalización Llingüística de la Universidá d’Uviéu, impulsada pol CUPA. Amás tien participao en campañes pol asturianu y denunciao dellos casos de marxinación sufríos por usar el so idioma.

Foi ún de los fundadores y primer presidente de l’Asociación Cultural l’Arribada, qu’organiza cada añu un alcuentru lliterariu en Xixón,’til la so dimisión en xunu de 2008.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s