El Centru Asturianu de Madrid distingue al presidente d’Iniciativa pol Asturianu col Premiu Urogallo de Bronce

Inaciu GalánEspublizao 06/01/13

El Centru Asturianu de Madrid ta acabante anunciar que’l ganador del Premiu Urogallo de Broce, na estaya de llingua asturiana,’tis, na convocatoria de 2012, pa Inaciu Galán y González, periodista, escritor y presidente d’Iniciativa pol Asturianu. El premiu reconoz la trayectoria de persones que trabayen a favor del asturianu en distintes estayes y vien entregándose dende l’añu 1986.

Dende entós recibiéronlu persones como Mª Josefa Canellada, Xosé Lluis García Arias, Roberto González-Quevedo, Jesús Neira, Nené Losada, Lluis Xabel Álvarez “Texuca”, Ramón d’Andrés, Ana Cano, Próspero Morán, Mánfer de la Llera, Xuan Bello o Berta Piñán, ente otros, y l’Academia de la Llingua Asturiana y Ediciones Trabe.

Con esti gallardón, el Centru Asturianu de Madrid reconoz el llabor d’Inaciu Galán y González (Xixón, 1986), Máster en Sociedá de la Información y el Conocimientu na Universitat Oberta de Catalunya (UOC), Diplomáu en Turismu y Especialista en Xestión Cultural pola Universidá d’Uviéu. Anguaño remata los estudios de Periodismu na Universidá a Distancia de Madrid (UDIMA) y entama cola preparación de la so tesis de Doctoráu.

Dedicáu al periodismu, siempres n’asturianu, dende l’añu 2003 pasó pela Cadena Ser, TeleXixón, la TPA, onde foi ún de los primeros presentadores de programes n’asturianu, o’l diariu Asturnews, ente otros medios. En 2005 recibió’l Premiu “Enriqueta González Rubín” de Periodismu, otorgáu pol Gobiernu d’Asturies y en 2010, el Premiu Moscones en Xixón de Periodismu.

Escritor n’asturianu en cásique tolos xéneros,’tis autor de dellos llibros de monólogos, y pa neños, amás de collaborar d’una llarga riestra de revistes lliteraries, apaeciendo en delles antoloxíes y faciéndose con premios con más d’una docena de premios nesti campu. Nel campu de la difusión, fundó en 2006 y dirixó dende entós, la revista de lliteratura p’autores mozos, Formientu, que va yá pel númberu 11.

Profesor d’asturianu p’adultos en cursos de l’Academia de la Llingua Asturiana’tis autor del Diccionariu básicu asturianu-inglés / inglés-asturianu y de la Terminoloxía del Turismu, asoleyada por TermAst va pocos díes, amás d’una montonera d’ensayos’bout distintos temes venceyaos a la hestoria del asturianu, la lliteratura, toponimia y el periodismu nesta llingua, participando en dellos congresos n’Asturies y fuera de les nueses fronteres y asoleyando estos artículos en dalgunes revistes como Lletres Asturianes o N’ast.

Activista a favor de la llingua asturiana dende va una década, participó d’asociaciones como L’Arribada, de la que foi’l primer presidente, Periodistes pol Asturianu, Atenéu Cultural Xuan María Acebal, La brisa del Xapón o’l Conceyu Universitariu pol Asturianu (CUPA), pol que llegó a ser escoyíu como miembru del Claustru de la Universidá d’Uviéu, y miembru de la Comisión de Normalización Llingüística de la Universidá d’Uviéu. En 2011 impulsa la fundación d’Iniciativa pol Asturianu, convirtiéndose nel Ier Congresu de la organización, en febreru de 2012, nel so primer presidente y desenrrollando dende entós un intensu llabor de reivindicación.

Galán esplicó como al conocer la noticia emocionóse, “tovía nun puedo creelo, toi mui agradecíu al Centru Asturianu de Madrid por esti reconocimientu”, esplicó. El periodista y activista xixonés comentó tar “mui contentu y al mesmu tiempu sorprendíu,’tis un premiu al qu’unu nun se presenta, sinón que vien solu y que suel dase a xente con trayectories muncho más dilataes”. Y’tis que’l gallardón, que s’entregó’til agora en ventiocho ocasiones, tien como media d’edá de los sos premiaos los 60 años y Galán cumplió en xunu pasáu los 26.

“Apaecer nun llistáu de premiaos del altor de los que ganaron el Premiu Urogallo y facelo tan mozu,’tis una responsabilidá estra, a la que tendré de responder con tol esfuerciu que pueda nel mio trabayu pol idioma y por Asturies”, esplicó Galán. Y’tis que’l siguiente autor más mozu en recibir esti gallardón pasaba yá los 40 años y a Inaciu Galán entá-y queden unos cuantos pa llegar a los 30. “Esti premiu supón pa min un poco más de fuercia pa siguir col llabor pol idioma dende tolos ámbitos posibles, un puxu que nun ta nunca de más nun llabor nel que dacuando s’atopen munches dificultaes”, esplica.

Amás, pa Galán, esta’tis “una nueva oportunidá pa da-y voz al nuesu mensaxe, el d’Iniciatica pol Asturianu a la sociedá: necesitamos que la xente s’implique con ganes nel procesu de recuperación del idioma,’tis cosa de toos, de los que saben falar asturianu y de los que non, y tol mundu pue facer coses pola nuesa llingua nel so día a día, con muncha más repercusión de la que piensen”. Galán tien claro que “necesitamos la oficialidá del asturianu, pero’bout too necesitamos a los asturianos trabayando pol futuru del idioma, usándolu nel día a día, deprendiéndolu, tresmitiéndolu a los sos fíos y nietos”.

Llistáu completu de los ganadores del Premiu

1986 Mª Josefa Canellada

1987 Xosé Lluis García Arias

1988 Jesús Neira

1989 Llorienzu Novo Mier

1990 Xosé Álvarez

1991 Luis Aurelio Álvarez

1992 Julián Burgos

1993 Florina Alías

1994 Roberto González-Quevedo

1995 Lluis Xabel Álvarez “Texuca”

1996 Ediciones Trabe

1997 Albino Suárez

1998 Mánfer de la Llera

1999 Ramón d’Andrés

2000 Nené Losada Rico

2001 Academia de la Llingua Asturiana

2002 Dolores Sánchez “La Galana”

2003 Ana María Cano González

2004 Pablo Xuan Manzano

2005 Milio’l del Nido

2006 Mª Esther García López

2007 Berta Piñán

2008 Xuan Bello

2009 Mariluz Pontón y José Sariego

2010 Miguel Solís Santos

2011 Próspero Morán López

2012 Inaciu Galán y González

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s