«Los asturianos quieren que la so llingua tenga futuru»

ENTREVISTES. EL COMERCIO.
24 d’ Mayu de 2012

«Los asturianos quieren que la so llingua tenga futuru»
L’escritor Inaciu Galán espubliza el llibru pa neños ‘Nel, el coríu que nun sabía nalar’

ENRIQUE CARBALLEIRA

Inaciu Galán. /PALOMA UCHA

L’escritor y periodista Inaciu Galán y González (Xixón, 1986) allégase estos díes por primer vez a la lliteratura pa neños col llibru ‘Nel, el coríu que nun sabía nalar’. Galán, que tá nestos momentos al frente de la plataforma ‘Iniciativa pol asturianu’, destaca’l papel que tienen les escueles pal caltenimientu de la llingua y recuerda dalgún de los llogros d’estos últimos meses a la hora de normalizar el so usu.

–‘El coríu que nun sabía nalar’, ¿tamos ante una hestoria de superación?

–En ciertu mou, sí. Nel’tis un coríu que nun s’adapta, que’tis distintu a los que lu arrodien, nesti casu’cause nun sabe nalar, pero la causa de la so marxinación podría ser otra cualesquiera. Por desgracia munchos neños pásenlo mal nes escueles por ser distintos, y esta quería ser una hestoria na que se mostrara de forma positiva cómo’tis posible superalo. Pero Nel ’tain’t namás una víctima, tamién deprende de los sos erros nel camín.

–Usté lleva tiempu escribiendo tanto no que cinca al llabor periodísticu como al lliterariu, ¿por qué decidió allegase a la lliteratura pa la reciella?

–Yo téngome por un periodista, esa’tis la mio vocación. Pero’l llabor lliterariu ta mui xuníu al periodísticu y esto fai que dacuando camine per estes caleyes creatives. Fícilo yá nel pasáu cola poesía, el monólogu, les traducciones, l’ensayu… y escribir pa neños’twas una de les coses que quería probar.

–¿Cómo tá siendo la esperiencia?

–El llibru quedó perguapu, les ilustraciones dan-y muncha vida y los neños que lu vieron colos que pudi falar paecíen atrayíos pola hestoria, polo que paez qu’acertamos con esti rellatu. –¿Tien más proyeutos pa neños? –Proyectos siempres-y dan vueltes a unu pela tiesta, otra cosa’tis tener tiempu pa materializalos, pero quiciabes me ponga a ello con una hestoria protagonizada por otros animalinos nuevos.

–Coméntase que la lliteratura pa neños’tis más agradecía que la d’adultos, en cuantu a que llega meyor a los llectores…

–Home, eso depende un poco del xéneru. Los monólogos, por exemplu, son un xéneru p’adultos, y son mui agradecíos, ves a la xente pasalos bien con ellos, comentate lo que-yos prestó… Otra cosa son otres obres. Yo como autor del diccionariu asturianu- inglés/inglés-asturianu, tengo de dicir que naide te vien a felicitar polo que-yos prestó la llectura d’esti tipu d’obres (rises).

–¿Podríen facer los colexos más pol espardimientu de la llingua, teniendo en cuenta qu’hai un bon númberu de coleiciones y material espublizáu nestos años?

–Les escueles asturianes pueden facer muncho más, por supuestu. La única forma de garantizar el futuru del idioma’tis que los neños usen l’asturianu como una llingua normal dende pequeños, que dean clases de conocimientu del mediu n’asturianu, de matemátiques, etc. Si nun xeneralizamos esti deprendimientu’tis imposible que l’asturianu tenga futuru. En cuantes a la promoción de la lliteratura nes clases, tamién puede facese muncho, y tendría qu’aumentase’l diálogu ente autores y llectores pequeñinos.

–Tamién tá al frente de la plataforma, ‘Iniciativa pol asturianu’, ¿cómo va’l proyeutu?

–Dempués d’unos cinco meses en funcionamientu nun puedo tar más satisfechu. El movimientu de reivindicación llingüística vivía un momentu de parón y creo que tamos esconsoñando pasu ente pasu. Nestos meses yá podemos falar de dalgunos avances interesantes y tamos seguros de que’l trabayu siguirá trayendo resultaos.

–¿Qué sofitos tienen a nivel social o institucional?

–Cada vegada súmase más xente al proyectu y tamos entamando a mostrar a la sociedá que tol mundu puede facer coses positives pol idioma dende’l so llugar na sociedá. Los políticos son los principales responsables, pero la sociedá nun puede dexalo too en manes d’ellos, tien que tomar la iniciativa la xente, nes cais, nos trabayos, nes escueles… Agora trabayamos en dellos alcuerdos con empreses y otres organizaciones pa que s’impliquen usando l’asturianu y nuna rede internacional d’embaxadores del asturianu.

–Pero sigue habiendo ataques a la llingua…

–L’asturianu sufre ataques cada poco, pero a nós préstanos más recordar les coses positives, como por exemplu la sentencia del Tribunal Cimeru que determina que tolos neños tienen el drechu a deprender asturianu na escuela ensin un cupu mínimu d’alumnos pa ello, o los avances que consiguimos pa qu’ALSA use la toponimia asturiana. Queremos construyir en positivo.

–¿Ve negrura nel futuru de la llingua?

–El futuru del asturianu va depender de lo que quieran los asturianos. Yo toi seguru de que los asturianos quieren que la so llingua tenga futuru y siga vivu y con vitalidá.

Advertisements

One thought on “«Los asturianos quieren que la so llingua tenga futuru»

  1. Pingback: «Los asturianos quieren que la so llingua tenga futuru» « Tierra alantre, la mesma fala

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s