Un día en casa d’Andrés Solar (Especial Asina foi… el Surdimientu)

lali-y-cuadru-lluis-anton.jpg

El 27 d’avientu de 2004 espublicé un especial d’Asina foi… El Surdimientu, el programa qu’entós facía n’Onda Peñes. Cumpliénse entós venti años de la muerte del escritor de Deva. Güei, y col envís de facer un nuevu homenaxe a la figura del escritor xixonés Andrés Solar, y coincidiendo colos 25 años de la so muerte, recupero’l reportaxe nel que visité la casa natal del autor y pudi adientrame, gracies a la xenerosidá de la so familia, nos espacios de la so vida.

27/12/2004
‘Andresín nun ta con nós, pero como lu recuerden tanto, paez que sigue equí’

A lo llargo de los últimos meses pasaron per ASINA FOI… EL SURDIMIENTU, personaxes de toles fasteres d’esti movimientu de recuperación y creación. Pero toos ellos acabaron falando d’Andrés Solar. Tanto los que lu conocíen como los que non, quiciabes influyíos por un añu d’alcordances a esgaya sobro la figura d’Andrés, nomaben a Andrés como una de les sos mayores influyencies. Nun podíamos, dende’l nuesu programa, escaecer la figura d’esti home y anque por desgracia nun podemos entrevistalu, decidimos averanos a lo que foi’l so mundiu pa escarbar un pocoñín más na so vida y descubrir dalguna cosa nueva.

La llegada a Deva

andres-solariguar.jpg

Unos díes enantes del venti cabudañu d’Andrés Solar, aporté a la casa d’Andrés Solar en Deva (Xixón) nún de los díes más lluviosos del añu y con un cielu demasiao escuru pa la temprana hora de la tarde que’twas. Ellí, yá na calor del llar, esperábenme Lali Solar, la hermana d’Andresín de Deva y el so maríu, Jesús. Con una sorrisa amable y unes pallabres d’agradecimientu pola visita entramos nuna salina de la planta baxa. Dempués de da-yos les gracies pola oportunidá que me daben de visitar la casa d’Andrés y por cuntame de primer mano la so vida, entamamos la charra al rodiu d’Andrés acompañada d’unos álbumes, que Jesús tenía preparaos pa enseñame semeyes y documentos, en dalgún casu inda inéditos.

Los manuscritos

documentu-ineditu-2.jpg

Mientres m’enseñaben dalgunos de los manuscritos, yá espuestos l’añu pasáu, Lali comentaba “Andrés nun sé d’ónde sacaba’l tiempu, el facía los llabores de la casería y dempués enzarrábase ellí arriba y escribía, primero a mano y dempués con una maquina d’escribir que-y regaló Carlos Rubiera cuando esti mercó una nueva pa él”
Pero ún de les coses qu’esperaba’tisren unos documentos que permanecieren guardaos dende que morrió y que yá me comentaren per teléfonu, diba ser el primeru, ayenu a la familia, en velos. “Mira, estos son los famosos cuentos escritos en sacos de piensu, que-y correxía Carlos Rubiera”

sacos-2.jpg

Dempués saquen unos documentos de la funda tresparente de plásticu y comenten: “Equí hai coses tovía ensin espublizar, qu’apaecieron dempués de la esposición del añu pasáu, taben ente periódicos. Tendré que-ylo dicir a Ramón d’Andrés pa que lo venga a ver” -añade Lali.

Ente rises Lali, cola naturalidá cola qu’una hermana fala del so hermanu, diz: “Yo la lletra d’Andrés nun la entiendo, nun me gusta,’tis mui retorcida (rises)”.

cartes-etc.jpg

Ente los papeles d’Andrés hai munches cartes y publicaciones de Conceyu Bable, de l’ALLA, postales d’amigos, una de les primeres nómines de la hestoria por ser profesor d’asturianu na Universidá Popular de Xixón, etc. Parámonos especialmente pa ver el recordatoriu de la so primer comunión, que’tis la primera vegada que pue vese, pues tamién apaeció dempués de la esposición-homenaxe.

EL SO LLAR

el-so-cuartu.jpg

Tar en casa d’Andrés y dir visitando cada cuartu, faite comprender la so lliteratura, les sos idees, la so forma de ver el mundiu… Dalgunes de les sales’tweren tresformaes dende entós, pero otres inda caltienen la imaxe qu’Andresín tuvo d’elles. “Inda’tis como si’twere apaecer escalera p’abaxo dende’l segundu pisu, onde munches vegaes escribía” -dixo Lali nun momentu de la entrevista.

El cuartu d’Andrés sigue práuticamente igual, namás qu’agora un diploma d’un concursu ganáu por Solar, cuelga de la parede. Pero tola casa, alcordances d’Andrés, amuesen la importancia, que’l recuerdu Andrés inda tien pa la so familia.

lali-y-cuadru-lluis-anton.jpg

Ente otres coses podemos ver el yá famosu retratu d’Andrés, fechu por Lluis Antón González y utilizáu pa la imaxe de la so Selmana de les Lletres, esti añu pasáu.

LA SO PERSONALIDÁ

La personalidá d’Andrés foi comentaba a lo llargo d’esti añu pasáu por aquellos que lu conocíen. Yera un home calláu, munchos dicen que mui domináu polos so pas. Pero ¿qué piensen los que vivíen con elli?. ‘Andresín’twas mui calláu -cuéntanos Jesús-, cuando yo vini a vivir equí cuasi nun lu conocía, dempués fui conociéndolu más, pero inda asina’twas mui reserváu’.

Pa conocer la forma de ser d’Andrés Solar nun hai naide meyor que la so propia hermana. A Andrés nun-y prestaba presumir de lo que facía, nin de los premios que ganaba. Lali recuerda una anécdota que lo demuestra: ‘Alcuérdome cuando un día marchó de casa y nun mos dixo pa onde. Si ’tain’t por que lu vemos en Panorama Rexonal recibiendo un premiu n’Uviéu, toi segura que nun mos diz nada’.

semaya-diputacion.jpg

Jesús alcordóse tamién d’otra anécdota’bout Andrés, na so boda con Lali: ‘Na nuesa boda, sentámosla al llau d’una tía de mio que’twere monxa y nun falo nin gota con ella en tola comida. imaxe-inedita-2.jpgAl acabar la boda, la mio tía díxome que nun sabía cómo sonaba la so voz, que paecía de piedra. Nun supi que-y dicir, Andresín’twas asina’. Jesús muéstranos una semeya inédita qu’ilustra esi momentu.

imaxe-inedita-na-boda.jpg

Por embargu Andrés, que’twas tan retraíu pa unes coses, tenía otros comportamientos que dexaben ver, que no que cinca a los sos oríxenes asturianos y rurales, nun tenía nengún complexu nin vergoña: ‘Andrés siempre diba en madreñes. Alcuérdome d’un día que se punxo malu y fuimos con él, al ambulatoriu de la Puerta la Villa, en Xixón. Diba per aquel pasiellu en madreñes y tol mundiu quedaba ablucáu. Inda nel accidente, que-y costó la vida, apaecieron les madreñes perhí. Nun sé que foi d’elles, pero prestaríame teneles. Ye un recuerdu perguapu’.

Andrés Solar escribió, dio clases de llingua, formó parte d’un grupu pa neños, etc. Pero amás, tenía dalguna afición que la so curtia vida nun-y permitió llevar alantre del too. Mientres Jesús mos enseña una llibreta de pentagrames d’Andrés con namás unes poques fueyes escrites Lali mos cuenta: ‘Andrés tocaba la guitarra, esa que ta ehí. Y tamién la gaita. Anque nun llegó a facelo mui bien, quiciabes de vivir más llegare a tocar dalgo más’. Mientres siguimos falando, vamos a la cocina de la casa y Lali mos prepara un café col sabor del lleche puro, propio de les vaques d’aquella casería. Vaques qu’Andrés llindaba munches vegaes y que más tarde pudimos ver.

les-vaques.jpg

La charra siguió agora per otros llugares. Y’tis qu’hebo dalgo, esterno a aquella casa, que fizo qu’Andrés entamara a preocupase pola llingua y cultura asturianes, la política, etc.: Conocer a Carlos Rubiera. Sobre Andrés, opina esti al final d’esti reportaxe. Pero, cómo sentó en casa d’Andrés la entrada nesto del asturianismu. “El nuesu pá, a veces riñíalu por metese nes coses del bable -cuenta Lali. Nun entendía, magar que’twas falante d’asturianu, la utilidá de facer aquello”. La relación d’Andrés cola Ilesia’twas mui negativa. Negábase a entrar na ilesia, inda n’actos familiares importantes, como la comunión del so sobrín y afiyáu, Inacio.

na-comunion-del-sobrin.jpg

Al marchar y despidime de Lali, echo una güeyada al paisaxe nocherniegu de Deva y recuerdo les pallabres d’Helena Trejo, qu’anque como yo nun conoció a Andresín, siente un daqué al percorrer Deva: “Siempre que toi per Deva paez que siento la presencia del Andresín al que tantes vegaes lleo. Ye un llugar especial, cuasi máxicu. Tien un rellumu de llucha”.

Asina falaron d’Andrés Solar n’ASINA FOI… EL SURDIMIENTU

Ramón d’Andrés: Andrés y yo yéramos grandes amigos. Col trabayu de campu de la parroquia de Deva nel branu de 1984 ayudóme muncho elli y la so familia.

Helena Trejo: La muerte d’Andrés Solar nel 84 foi l’acontecimientu más importante del Surdimientu. El tastu foi mui amargu pa la comunidá falante asturiana en xeneral. Yo nun lu conocí, conozo los sos poemes, que faen respigar,’tis como si corriere un arume de llucha y de griesca, a la par poética pa toos nós, ta diciéndonos ‘yo toi equí pero siguir p’alantre, siguir… una sensación mui fuerte.

Carlos Rubiera: D’Andrés Solar, recuérdolo too. Andrés Solar contautó col asturianismu al traviés de min. Apaeció un día pela mañana y en bicicleta nel chigre de los mio pas y venía cola intención de contratame pa la fiesta de Deva. A partir d’ehí entamó una rellación, an que fuimos mui, mui amigos. Al principiu yo fui’l so maestru, realmente deprendílu a escribir, a poner comes, puntos a separtar les idees, etc. Correxí-y los primeros cuentos, llegó un momentu que sabía escribir meyor que yo y dixi-y, ‘¡Andrés, nun me traigas más, qu’echo muncho tiempu!’ (rises). El primer cuentu tráxomelu en fueyes cortaes de sacos de piensu,’twas Toni y pasé-ylu yo a maquina, algamó un premiu con elli. Víamosmos mui a menudu y trabayábamos muncho xuntos. Dempués caún tuvo la vida más independiente, el siguió escribiendo y llegó a escribir mui bien, tien dalgunos cuentos estraordinariamente bonos y taba nel camín de la ñovela, pero tuvo mala suerte, un accidente de tráficu que nun sólo-y segó la vida a él, sinón al gran escritor futuru que llevaba dientro, acabo con too.

UN AÑU D’HOMENAXE

andresin-solar-038.jpg

L’añu 2004 foi pal asturianismu, l’añu d’Andrés Solar. Un añu enllenu d’homenaxes, alcordances y publicaciones’bout elli. Lali Solar recuerda esti añu con muncho ciñu y reconoz que: “Sabía que lu queríen. Pero non tanto. Cuando la Selmana de les Lletres, pensé ¡madre mía,’tis imposible!”.

cb-30-anos-2.jpg

Dende equí, y agora que se celebren, otru añu más, los Premios Andrés Solar, queremos reconocer la figura d’Andrés y l’aportación qu’al traviés de la so lliteratura mos dexó. Andrés Solar foi una voz del Surdimientu, pero sigue siendo muncho más qu’eso. Un faru qu’alluma’l nuesu camín, una fuercia que mos da esperanza

andresin-solar-040.jpg

Gracies a Lali Solar, Jesús Rodríguez ya Inacio R. Solar.
Testu y semeyes: Inaciu Galán y González.

MÁS SEMEYES DEL REPORTAXE:
documentu-ineditu-2.jpg
cartes-etc.jpg
la-hermana-mos-dedica-un-llibru.jpg
sacos-1.jpg

Advertisements

4 thoughts on “Un día en casa d’Andrés Solar (Especial Asina foi… el Surdimientu)

  1. Gracies Naciu de Lali Solar y Jesús Rodriguez por el reportaje tan detallado de mi hermano sólo hicimos presentarte los trabajos realizados cómo escritor que lo hacía a callaes de su familia y después del paso del tiempo dejó una semeya que es dificil de olvidar gracies a vuestro trabayu para que no se olvide, un beso de amiga y familia que no deja de agraderos por vuestro trabajo. Lali Solar y Jesús.

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s